Currículum

Realizou estudos na Escola Nacional de Artes Gráficas de Madrid, no Círculo de Belas Artes e na Academia de Belas Artes de San Fernando.
O seu traballo, a parte do artístico, foi nos últimos anos, xuntamente coa súa esposa (diplomada en Publicidade) o grafismo e a ilustración, e no estudio publicitario que ela dirixe.
Entre 1960 e 1969, ante a imposibilidade de poder seguir coa Augaforte e para dar continuidade a mesmo na súa obra, logrou desenvolver unha técnica na que preparaba as súas propias tintas, algúns colores vexetais como o azafrán, etc. Foi tan vehemente o seu desexo de continuar co que perdera que, despois de anos, logrou cambiar a técnica fría da plumiña ó que hoxe é a súa obra.
O papel empregado e a elaboración son manuais e con diferentes gramos de espesor e estrutura para dar, segundo o motivo, un carácter máis en concordancia co tema a tratar. Practicamente todos os motivos teñen reminiscencias que recordan á augaforte, diferentes tintas, matices e fondos, dando por suposto a toda a obra unha nova dimensión de valores e maior calidade artística ó que se coñece simplemente como "debuxo a plumiña".