Manuel Pardo de Vera y Díaz


Data de Nacemento: 21 de xaneiro de 1948
Lugar de Nacemento: Becerreá (Lugo)
 Currículum

É oriundo da Casa de Ribas, na parroquia de San Pedro de Cadoalla, casa solar da familia dende o século XVI. Casou en 1980, en Lugo, con María Teresa García Arias, coa que tivo sete fillos.

Cursou os seus estudios de primaria e bacharelato en Lugo, en Santiago de Compostela, no Colexio de la Salle, e en Madrid, no colexio do Pilar. Na Escola Técnica Superior de Enxeñeiros Industriais da Universidade Politécnica de Madrid obtivo o título de Enxeñeiro Industrial. É Máster en Dirección e Administración de Empresas (MBA) polo Instituto de Empresa e Máster en Dereito Nobiliario e Premial, Heráldica y Xenealoxía pola UNED e diplomado en Estudos Avanzados pola Facultade de Dereito da UNED, entre outros títulos académicos.

 Obras realizadas

Terminados os seus estudios universitarios, e despois de realizar o servizo militar como alférez da escala de complemento, en Valencia en 1973, comezou a súa carreira profesional en Murcia como enxeñeiro encargado da elaboración do PLANER (Plan Nacional de Electrificación Rural) na mesma provincia.

En 1976 ingresa en FENOSA como Enxeñeiro xefe de Planificación e Obras das provincias de Ourense e Lugo. Dende 1979 a 1987 desempeñou o cargo de Vicedecano do Colexio Oficial de Enxeñeiros Industriais de Galicia e Vicepresidente da Asociación de Enxeñeiros Industriais de Galicia. En 1987 é nomeado Director Xeral de Industria, Enerxía e Minas da Xunta de Galicia e Presidente do Consello de Administración da Sociedade de Información Tecnolóxica e Empresarial de Galicia, S.A. e forma parte da Comisión de seguimento do Plan de Reconversión Naval, representando á Administración galega.

En 1990 trasládase a Madrid onde é nomeado Xefe de Explotación de Redes de Distribución de UNIÓN FENOSA. Na patronal do sector, UNESA, ocupa diferentes postos e preside comisións de traballo. Como experto no sistema eléctrico desenvolve diversos traballos de mellora da xestión operativa en empresas de distribución de enerxía eléctrica de Chile e Brasil. O Colexio de Enxeñeiros Industriais de Galicia designao Vocal do Consello Superior de Enxeñeiros Industriais de España e membro do Patronato do Instituto Tecnolóxico de Galicia. En UNIÓN FENOSA ocupa distintos cargos e en 2005 é nomeado Director Adxunto de UNIÓN FENOSA DISTRIBUCIÓN, S.A., cargo no que se xubilou en 2013.

Manuel Pardo de Vera y Díaz pertence a unha antiga linaxe fidalga de Galicia e como tal é: presidente da Real Asociación Fidalgos de España (www.hidalgosdeespana.es), Presidente da Fundación Cultural Fidalgos de España, Cabaleiro da Orde do Santo Sepulcro de Xerusalén, Cabaleiro “jure sanguinis” da Sagrada e Militar Orde Constantiniana de San Jorge, Gobernador da Real Hermandade de Infanzones de Illescas, Cabaleiro do Real, Ilustre e Primitivo Capítulo Noble da Merced, Membro da Divisa, Solar e Casa Real da Piscina e Fiscal do Corpo da Nobreza do Antigo Reino de Galicia.

É vicepresidente do Instituto Internacional de Xenealoxía e Heráldica, Académico titular da Academia Internacional de Xenealoxía e membro da Asociación de Xenealoxía, Heráldica e Nobiliaria de Galicia. Dirixiu os traballos correspondentes ós convenios de colaboración suscritos pola Real Asociación de Fidalgos de España co Goberno de Aragón e polo Instituto Español de Estudos Nobiliarios coa Deputación Provincial de Zaragoza, fruto dos cales son as publicacións "Procesos de Infanzonía de la Real Audiencia de Aragón" que se conservan no Arquivo Histórico Provincial de Zaragoza e os "Procesos de Habilitación de Infanzones para acceder a los oficios de la Diputación del Reino de Aragón" que se conservan no Arquivo da Deputación de Zaragoza. Agora está dirixindo a extracción dos Procesos de Fidalguía que se conservan no Arquivo Real e Xeral de Navarra, obxecto dun convenio co Goberno Foral de Navarra, traballo sobre o que se publicaron varios tomos.

É director e profesor de nobiliaria e emblemas heráldicos do curso da Escola de Xenealoxía, Heráldica e Nobiliaria da Fundación Cultural Fidalgos de España.

Participou como profesor invitado nos cursos de Máster, Experto e Especialista de Dereito Nobiliario e Premial, Xenealoxía e Heráldica da UNED.

É membro do Consello de Redación da revista 'Hidalguía', referente para os estudiosos e investigadores en ciencias históricas.

É autor dos emblemas heráldicos dos asociados da Real Asociación de Fidalgos de España que se publican na revista Fidalgos e os dos Títulos do Reino de España que se inclúen na publicación Elenco de Grandezas e Títulos do Reino de España.

Foille outorgado o Premio Lazslo Bohus de Villagos 2014, da Confederación Internacional de Heráldica e Xenealoxía.

É cabaleiro Gran Cruz da Orde de San Miguel del Ala (Portugal); Cabaleiro da cofradía, É académico correspondente da Academia de Letras e Artes de Portugal e Membro do Ateneo de Ilugo (Xaén). Gran Cruz da Real Compañía da Beata María Cristina de Saboya (Palermo, Sicilia). Foi distinguido coa Gran Cruz ó Mérito da Casa Real de Portugal.