Julio Modesto Giz Ramil


Pseudónimo:Xulio Xiz
Categoría: Xornalista
Data de Nacemento: 17 de febreiro de 1947
Lugar de Nacemento: Vilalba (Lugo)
Correo electrónico: 
Formulario de contacto

Opinión

Facebook
 Currículum

Licenciado en Ciencias da Información e mestre, é cofundador de Ophiusa, Galicia Digital e Televisión Lugo. Funcionario xubilado da Xunta de Galicia.

Traballou en Radio Popular de Lugo (1968-1985), e na Delegación en Lugo de El Ideal Galego (1968-1985). A mediados dos anos oitenta, dirixíu programas culturais na Radio Galega: “A radio máis nova”, “Galicia, pobo a pobo”, “Amigos” e “Literatura viva”.

Actualmente colabora en www.galiciadigital.com , La Voz de Galicia, Radio Popular de Lugo e Onda Cero Lugo.

De 1983 a 1989 foi Xefe do Staff da Presidencia do Concello de Lugo e Xerente do Patronato de Cultura, organizando neste período máis de mil actos culturais.

Xunto con Marcial González Vigo (), obtivo unha vintena de premios nacionais e internacionais de Radio e TV, éntreles o Premio Internacional de Radio do Bimilenario de Lugo, Nacional de Radio e TV Ciudad de Salou, Nacionais de Radio da Lotería Nacional, I.N.D.O., Rosalía de Castro, La Mancha… ou Premio Mundial de Radio-Tv Mallorca 1980.

 Obras realizadas

Os guións galardoados cos premios Bimilenario de Lugo, Ciudad de Salou e Rosalía de Castro foron publicados respectivamente nos libros EL DIOS DE ROMA QUE LLORÓ POR LUGO (1979), SALOU, NOVIA DEL MAR (1980) e MEDIO CENTO DE GALEGOS E ROSALÍA (1983).

Na colección Everest publicou: LÁNCARA, PARA VIVIR; MONTERROSO EN LAS TIERRAS DE ULLOA; EL BELÉN DE BEGONTE; PALAS DE REY, REGIO PALACIO; LOS ANCARES, FUERZA VITAL e LUGO.

Coordinou os libros colectivos OS ESCRITORES LUCENSES ARREDOR DE FOLE (1986), PREGOEIRO DA LUZ E DA ALBORADA (1993), MATO SONO ÍO (2009) e CERNA DE CARBALLO (2015). Dirixíu PRAZA MAIOR, voceiro do Concello de Lugo.

Outras publicacións: SAN FROILÁN (1999), O CORGO, AMPLO HORIZONTE (2006), PAIXÓN POR LUGO (2007), BENQUERIDA ENRIQUETA (2015).

Foi guionista e director de máis de medio cento de produccións audiovisuais (entre elas a colección VIDEOTECA DE GALICIA).

 Outros datos de interese

Con Carlos Rodríguez Arias creou a Productora de Video e Editorial OPHIUSA (1986), a primeira TV local en Lugo, TELEVISIÓN LUGO (1994) e a plataforma dixital www.galiciadigital.com (2000), que dirixiu ata 2008.

Desde 1989 é Presidente do ORFEÓN LUCENSE (Coro oficial da Catedral de Lugo), e do GRUPO FOTOCINEMATOGRÁFICO FONMIÑÁ, que desde 1979 organiza anualmente a Semana Internacional de Cine de Lugo.

É Vicepresidente do Centro Cultural José Domínguez Guizán de Begonte, que desde 1972 promove o Belén Electrónico de Begonte.

Desde hai 40 anos é Secretario do Certame Literario do Concello de Vilalba, e desde hai 20, membro do Xurado do Certame Literario do Concello de Paradela. Presentador-conductor da Mostra Folclórica Internacional de Viveiro que organiza “Bágoas da Terra” desde 1979.

No decurso dos últimos corenta anos ten pronunciado arredor dun cento de conferencias e presentado varios milleiros de actos culturais.