Currículum

En 1971 ven a Lugo, onde reside desde entón. Iniciase moi novo na pintura, dando os primeiros pasos co seu pai. Con nove anos asiste a clases de debuxo de estatua na Escola de Artes e Oficios de Segovia. Ós catorce anos iniciase na escultura e traballa con soldadura eléctrica e autóxena. Ós quince descubre a acuarela dos pintores segovianos Untorbe, Heredero e Román. Ós dezaoito traballa con bronce, metal e aluminio para os arquitectos e pintores Vaquero Palacios e Vaquero Turcios. En 1969 é seleccionado en Segovia (pintores menores de 21 anos) e os seus cadros asisten en Málaga ó Certame Nacional. En 1973 expón por primeira vez individualmente en Lugo. En 1974 foi bolseiro da Deputación da Coruña no Pazo de Mariñán. En 1975 asiste ás clases do escultor Rodrigo Porral. Coñece ó mestre lucense López Guntín e a partir de 1975 traballa óleo, acuarela e escultura, realizando exposicións Galicia e Castela. Desde 1980 dedícase case exclusivamente á acuarela ata 1990. A partir de 1990 dedícase á investigación coa acuarela e técnicas mixtas. En 1995 asiste ás clases do gravador madrileño Pablo Sáez. En 1996 retoma a madeira con pintura e talla e volve ó óleo. Desde o ano 2000 ó ano 2001 traballa con augaforte, hocogravado, acuarela, técnicas mixtas e óleo.