Currículum

A arte, cultura, investigación e universidade é a paixón deste galego e a todo isto está dedicado actualmente.

Consecuencia dunha importante preocupación persoal por Galicia, os seus artigos e reportaxes desde a arte, a cultura e co interese en apoiar a distintos artistas galegos desde o recoñecemento ao seu labor, servíronlle o premio á crítica de arte “Julio Argüelles” no ano 2006, concedido pola SAF.

Crítico de arte da Asociación Española con sede en Madrid, da Galega con sede en Santiago de Compostela e da Internacional con sede en París.

Pertence á Unión de Xornalistas, especializado en Historia da Arte, escribe fundamentalmente sobre arte, cultura e actualidade universitaria. Publicou numerosos artigos e reportaxes na prensa e distintas revistas.

Os seus antecedentes profesionais na mar como oficial, tamén o dotan de amplos coñecementos náuticos, así como de pesca e mariña mercante.

A súa gran experiencia en protocolo valeulle para presentar e programar actos de gran relevo en Vigo e Pontevedra.

Actualmente é Vicepresidente de Relaciones Institucionais de “Amigos e Antigos Alumnos da Universidade de Vigo”, con responsabilidade da asociación no campus de Pontevedra.

Director da revista “Tres Campus”, de importante tirada actualmente a todas as universidades españolas e doutros países.

Creou unha importante revista “INVESTIGACIÓN”, onde os investigadores presentan os seus manuscritos sobre as distintas ramas da ciencia ou a tecnoloxía, para a súa divulgación, sendo apoiada polo Consello Social da Universidade de Vigo. Adquiriu un gran prestixio en toda España e distribúese desde Vigo cunha importante tirada a centros de investigación, laboratorios, universidades, bibliotecas, institucións...

ANTERIORES NOMEAMENTOS:

· Delegado revista “ARTE”.

· Director de Centro de Estudos en Vigo e Pontevedra.

· Director de Cultura Editora en Vigo.

· Delegado e correspondente da revista “CD” Círculo de Dirixentes.

· Delegado e correspondente da revista “Arte Galicia Siglo XXI”.

· Colaborador do “Atlántico Diario”.

· Presidente da editora ICCT e editor-director da revista “INVESTIGACIÓN”.

· Vicepresidente de Relacións Institucionais para os tres campus de Vigo-Ourense e Pontevedra (A.A.A. Universidade de Vigo).

NOMEAMENTOS ACTUAIS:

Presidente do Instituto de Cultura, Ciencia e Tecnoloxía (ICCT).

Vicepresidente- Relacións Institucionais “Alumni Universidad de Vigo”.

Patrono da Fundación “Escultor Pedro Dobao”.

Director e fundador da revista científica “Investigación”.

Director da revista universitaria “Tres Campus”.

Corresponsal de distintas revistas.

PARTICIPACIÓNS:

· Decembro 2002.- É designado polo concelleiro do Concello de Vigo (entre outras persoas do mundo da arte de distintas partes de España), para participar nunhas xornadas denominadas “Vigo, un espacio para la cultura contemporánea, no século XXI”, no que se trataba a garantía de autonomía da xestión do futuro Museo de Arte Contemporánea de Vigo, que estaba en fase de construción.

· Novembro 2001.- Tomou parte no curso “Conceptos para entender el Arte Contemporánea”, organizado pola Fundación Laxeiro en Vigo.

ALGUNHAS DAS CONFERENCIAS E ACTOS PÚBLICOS:

Desde agosto de 2001 participou en máis dun cento de actos públicos: conferencias, exposicións, fins de curso da Escola de Artes e Oficios de Vigo, críticas de arte, presentacións, etc. en distintos lugares de Ourense, Pontevedra, Vigo e Portugal.

CRÍTICO DE ARTE:

-2001. Ingresou na Asociación Galega de Críticos de Arte (AGCA).

-2002. Ingresou na Asociación Española de Críticos de Arte (AECA).

-2006. Pasa a formar parte da Unión de Xornalistas.

-2008. Pasa a forma parte da A. Internacional de Críticos de Arte (AICA), con sede en París.