Currículum

Estudiou o bacharelato en Lugo, licenciouse en Filosofía e Letras (sección de Filosofía) na Universidade Pontificia de Salamanca e realizou os cursos de doutoramento na Universidade de Santiago de Compostela. Traballou como profesor contratado no Instituto de Viveiro (Lugo) no curso 1971-72, como profesor interino e secretario no Instituto "Xoán Montes" de Lugo (1972-77) e desde 1977 é profesor de secundaria, coa condición de catedrático no Instituto "Lucus Augusti", na materia de Filosofía. É militante socialista desde decembro de 1975, ocupando desde entón varios cargos na agrupación de Lugo. Actualmente é o presidente da mesma e membro da executiva galega. Entre os cargos institucionais que ten ocupado destacan os de delegado provincial da Consellería de Cultura e Deportes da Xunta de Galicia (1987-90), membro do Consello Asesor da TVE-Galicia (1990-95) e membro do consello federal e da comisión executiva da FEMP. Foi alcalde de Lugo dende 1999 ata 2015.