Javier Gómez Vila

Categoría: Arqueólogo e historiador
Data de Nacemento: 16 de maio de 1966
Lugar de Nacemento: Lugo
Correo electrónico: 
Formulario de contacto

Facebook

Web 1
 Currículum

Doutor en Arqueoloxía e Historia Antiga pola Universidade de Santiago de Compostela, é ademáis catedrático de ensino secundario. Actualmente é Director do proxecto de investigación “Vía Künig” e preside a asociación de igual nome. Foi Director do Instituto de Monterroso e, a día de hoxe, está destinado no 'IES Ollos Grandes de Lugo'. Na súa carreira profesional foi director de diversas actuacións arqueolóxicas da Xunta de Galicia e da Universidade de Santiago de Compostela, entre as que destaca o estudo histórico e arqueolóxico do “Camiño Primitivo de Santiago” (1992). Participou tamén como arqueólogo no equipo multidisciplinar que estudiou o “Camiño de Santiago de Fisterra” para a direción Xeral de Patrimonio. Foi integrante do equipo arqueolóxico que desenvolveu o plan europeo LEADER, integrante do equipo de investigación da USC do proxecto europeo PETRA para analizar as perspectivas do sistema educativo, director de diversos cursos e talleres da USC, Xunta de Galicia e MEC sobre Historia Antiga e Novas Tecnoloxías e membro da xunta directiva da Asociación de Historiadores de Galicia. Obtivo varios galardóns e premios de investigación como o “IX premio Condado de Pallares” ou o I e III premio “Xermade na Historia”.

 Obras realizadas

É autor de:

. “Vías romanas de la provincia de Lugo”, publicado pola USC.

. “Catálogo del museo parroquial de Monterroso”, publicado pola Xunta de Galicia.

. “Epigrafía romana de la Provincia de Lugo”.

. Xunto a José Luis Novo Cazón publicou "Polos camiños da cultura. Itinerarios Histórico - Artísticos".

. Xunto a Mar Neira publicou “A cultura castrexa e galaico-romana no condado de Pallares”

Máis de corenta publicacións de ámbito científico relacionadas co mundo antigo, a innovación educativa e o Camiño de Santiago.

Ademáis, é colaborador habitual de diversas publicacións como ‘Palacio do Rei’ (Palas de Rei), ‘Lucensia’ (Seminario), ‘O eco do Ulla’ (Monterroso), ‘Gallaecia’ (USC) e a revista CORGA (Deputación Lugo).

 Outros datos de interese

Os futuros proxectos de investigación céntranse no estudo dos Camiños de Peregrinación a nivel europeo, en concreto no “Proxecto Vía Künig” e na Guía de Peregrinos de Hermann Künig, como elementos fundamentais do fenómeno Xacobeo.