Currículum

Realiza os seus estudios de bacharelato en Santiago e a carreira de Química na Universidade de Madrid, licenciándose en 1922. Ó ano seguinte obtén praza de profesor auxiliar de Química Inorgánica e Analítica na Facultade de Ciencias de Santiago de Compostela. Realizou estudios de doutoramento en Zurich, reintegrándose á universidade compostelá en 1933. Coa creación do Laboratorio de Xeoquímica da Universidade de Santiago de Compostela, Parga inicia as súas investigación sobre Galicia e forma ós primeiros xeoquímicos españois. En 1934 remata a súa tese de doutoramento obtendo a cualificación de sobresaliente cum laude na Universidade de Madrid. Ó inicio da Guerra Civil é separado do seu posto de profesor, retírase a Laxe e crea unha empresa mineira para a explotación do caolín. Máis tarde instala alí o Laboratorio Xeolóxico de Laxe. En 1945 colabora co Instituto Xeolóxico e Mineiro de España e en 1954 a Universidade de Leveden colabora nos seus programas, como farían posteriormente as de Montpellier, Estrasburgo, Zurich, Munster e Lisboa. En 1962 é nomeado profesor agregado do Instituto Lucas Malleda.