Currículum

É coordinadora de proxectos para o desenvolvemento da artesanía no Centro de Artesanía e Deseño de Lugo.  Os seus intereses xiran en torno ao pensamento de deseño como ferramenta para a adaptación da microempresa artesá ás necesidades do consumidor.
Estudou patronaxe industrial  con  Sabina Lozano e Celsa López, completando a súa formación na Escola de Artes Aplicadas Ramón Falcón e iniciando a súa carreira profesional  moi cedo coa redacción do seu propio método de ensinanza de patronaxe industrial, para máis tarde formar parte do equipo docente da escola de deseño e moda Fashionmas.
Traballou como free lance para particulares, empresas e institucións locais, sendo cofundadora da Asociación Muralla Moda e coordinando a pasarela Lucus Augusti  para máis tarde dirixir o proxecto de formación e promoción de moda e artesanía local: Deseño de Orixe Galego.
Directora do Centro de Artesanía e Deseño da Deputación de Lugo desde a súa posta en marcha en 1994 ata principios del 2007, onde desenvolveu gran parte da súa actividade profesional organizando a actividade dos obradoiros permanentes de Instrumentos Musicais, Traxes Rexionais, Encadernación e Moble.
Dirixindo e presentando reportaxes e espazos de artesanía, deseño e moda para Telelugo, Televisión de Galicia e Telecinco. Deseñando ducias de stands institucionais galardoados en salóns profesionais de IFEMA, Fira de Barcelona, IFEVI ou Silleda, e máis dun cento de escenografías e montaxes de exposicións.
Relatora en seminarios de artesanía e membro do xurado nos concursos como Tesoiras da Xunta de Galicia, Pasarela Mozos Deseñadores da Feria de Camariñas, e premios de artesanía como o Certame Antón Fraguas, Terra das Mariñas e Suave II.
Promoveu a creación do PADA –Programa de Axudas para o Desenvolvemento da Artesanía-  nos ámbitos de investigación, deseño, formación, novas tecnoloxías e cooperación. Ao longo de dez anos organizou cursos, xornadas, encontros, demostracións, congresos e workshops en torno a técnicas de especialización artesanal, creatividade, deseño ecolóxico, novos materiais, novas tecnoloxías e tendencias.
Respecto á promoción comercial da artesanía organizou as dez primeiras edicións de Artesanfroilán e a posta en marcha do proxecto La Comercializadora.