Currículum

Estudiou o bacharelato en Lugo, traballando despois como fotógrafo de estudio e reportaxe (1976-1990). Desde 1990 traballou na súa propia empresa de fotografía. Dentro da súa formación, destacan a asistencia a talleres de pintura e modelado, a realización de cursos de Formación Profesional de Fotografía Artística (no Instituto Nacional de Fotografía e Imaxe de Madrid), a asistencia a convencións "Profoto-photo image", a talleres de iluminación e fotografía dixital, a participación nas III Xornadas Profesionais de Fotografía do Principado de Asturias, e a asistencia ó III Congreso Internacional de Fotografía Profesional e Artística en Cullera (Valencia).