Currículum

Estableceuse en Galicia ao abrir unha fábrica de salga en San Pedro de La Ramallosa en Nigrán. Pertencente ao gremio de comerciantes, foi alcalde de Baiona e, como tal, viviu o pronunciamento de outubro de 1843 do Xeneral Iriarte a favor do exiliado Espartero. Iriarte enviou unha columna de tropas á vila de Baiona para tomar a fortaleza de Monte Real. En 1843, Casimiro Fernández de la Cigoña dirixe á S.M. a Reina Gobernadora unha protesta polas modificacións administrativas de 1823 que estableceron unha nova división territorial para a administración de Xustiza nas que perdeu a vila de Baiona a súa Real Xurisdición, quedando reducida ás parroquias de Baiña, Baredo, Belesar, Baiona e Santa Cristina de la Ramallosa. Con posterioridade á súa etapa en Baiona, foi rexedor en Vigo nas corporacións de 1852-53, 1854-57, 1863, 1864 e 1865. En 1852, foi concelleiro na corporación de José Graña (2 de outubro de 1851 ao 22 de novembro de 1853) e en 1854, na corporación que presidía Joaquín Yáñez Rodríguez (1 de xaneiro ao 25 de xullo de 1854, data esta última na que dimitiu todo o concello ante o pronunciamento militar do xeneral O´Donnell, a chamada Vicalvarada). En 1866, formou parte da corporación que presidiu Lafuente.