Currículum

Desde nena tivo moi clara a súa vocación de pintora a pesar dos tempos difíciles e da súa condición de muller, pouco a pouco e de forma autodidacta foi abríndose camiño. A súa pintura é figurativa e trata principalmente unha temática costumbrista pero afastada de todo folclorismo. Quixo reflectir a escena campesiña e mariñeira captando as escenas vivas, sorprendendo ás súas xentes nos seus traballos, nas súas romarías, nas súas soidades. Tecnicamente, obsérvase unha precisión no debuxo, así como unha vitalización dos seus empastes dentro das múltiples capas superpostas, suaves e limpas.