Soledad García

Categoría: Escritora e ilustradora
Lugar de Nacemento: Nigrán (Pontevedra)
Correo electrónico: 
Formulario de contacto
 Currículum

Soledad García é unha escritora e ilustradora nigranesa cunha obra caracterizada polo seu compromiso na defensa do idioma galego, do medio ambiente e do patrimonio da comarca do Val de Miñor e de Vigo.

 Obras realizadas

Autora de vinte e tres obras dentro do proxecto EMOCIONARIA Arte e Literatura, vinte libros infanto-xuvenís: DEDAS, Un paseo por Nigrán, Un paseo por Baiona, A walk in Baiona, Un paseo por Gondomar, SAMAGOSTÍN, URCO unha historia reciclada, VERSOS E ABELLAS para salvar o planeta, ZOO LIBRE, Herbario do Solsticio de Verán, Un paseo polo Nadal de Vigo, Verses and bees to save the planet, SON XENA Adóptasme?, O soño de SEDNA, LOST, Misión para unha formiga, Caderno de Actividades VIGO Planeta, CARLA a golfiño cachalote, O Barco do Nadal e A órbita de Briana.

Participa en diversos festivais poéticos e realiza sesións de contacontos.

É a creadora de PUEOSÍA, un proxecto de poesía visual que potencia a creatividade a través do xogo con imaxes, ideas e reflexións, e de tres poemarios ilustrados: APOSIOPESE, O Camiño de Perséfone e POEMARcovida, homenaxe ao traballo do persoal sanitario e de protección civil durante a pandemia.

Ten publicado obras colectivas nas editoriais Elvira, Kalandraka, Galaxia, no blog-revista Versos e Aloumiños e na revista do Instituto de Estudos Miñoráns, no que forma parte do grupo de Promoción do Uso do Galego.

 Outros datos de interese

Entre os seus últimos premios literarios destacan: Lampantasma, 2º premio do II Concurso de Relato Curto do Concello do Rosal, O Belén de Begonte,  2º premio do II Certame audiovisual sobre o Nadal, Ubuntu, 2º premio de relato VIII Certame de Debuxo e Creación Literaria Avelino Díaz, Henko, 3º premio de poesía VIII Certame de Debuxo e Creación Literaria Avelino Díaz, Cutis mea denigrata est super me et ossa mea aruerunt prae caumat, mención de honra Certame Poesía Manuel Oreste Rodríguez López, Tindouf [ⵜⵉⵏⴷⵓⴼ ],mención de honra Concurso literario e Artístico As cousas de Castelao, Non quero que se perda, 1º premio fotografía literaria Ollo con Nigrán, Unha aldea de luz, accésit IV Certame Exeria de Vigo, MAI · Muller Amadora Ígnea, 1º premio XXXII Certame Literario Xaime Illa Couto de Poio; Centón Villaltiano, 1º premio XVIII Certame Literario Verbas Novas; Bethléem, 1º premio XLVIII Certame Nacional de Poesía sobre o Nadal; O camiño de Perséfone, 1º premio VIII Certame de Poesía en Lingua Galega Manuel María de Gipuzkoa; As palabras son cinzas por soprar, 1º premio XXVIII Certame Poesía Manuel Oreste Rodríguez López de Paradela; APOSIOPESE, 3º premio XI Certame de Poesía Manuel Leiras Pulpeiro de Mondoñedo; Nunha vila caben todos os ventos, 1º premio III Certame de relato O Enxeño Engaiolado de Baiona; Haberán de construír un cemiterio nas illas, algún día!, 1º premio XIX Certame de Relato Curto de Mugardos; Vivaldi de haikus, 1º premio XIX Certame de Poesía Anomar, Mil bandeiras para España, 2º premio I Slam Semana Poética Victoriano Taibo, e Crisálida, 1º premio II Certame Literario Microrrelato Aliteraclara."