Soledad García

Categoría: Escritora e poeta
Lugar de Nacemento: Nigrán (Pontevedra)
Correo electrónico: 
Formulario de contacto
 Currículum

Soledad García é unha escritora e poeta nigranesa cunha obra caracterizada polo seu compromiso na defensa do idioma galego, do medio ambiente e do patrimonio da comarca do Val de Miñor e de Vigo.

 Obras realizadas

Autora de sete libros infanto-xuvenís: DEDAS, Un paseo por Nigrán, Un paseo por Baiona, A walk in Baiona, Un paseo por Gondomar, SAMAGOSTÍN e URCO, unha historia reciclada. Participa en diversos festivais poéticos e realiza sesións de contacontos. É a creadora do libropoema POEMARcovida, palabras de imaxe e vida, que homenaxea o traballo do persoal sanitario e de protección civil durante a pandemia.

Ten publicado obras colectivas nas editoriais Elvira, Kalandraka, Galaxia, no blog-revista Versos e Aloumiños e na revista do Instituto de Estudos Miñoráns, no que forma parte do grupo de Promoción do Uso do Galego.

 Outros datos de interese

Os seus últimos premios literarios son Bethléem, 1º premio XLVIII Certame Nacional de Poesía sobre o Nadal; O camiño de Perséfone, 1º premio VIII Certame de Poesía en Lingua Galega Manuel María de Gipuzkoa; As palabras son cinzas por soprar, 1º premio XXVIII Certame Poesía Manuel Oreste Rodríguez López de Paradela; APOSIOPESE, 3º premio X Certame de Poesía Manuel Leiras Pulpeiro de Mondoñedo; Nunha vila caben todos os ventos, 1º premio III Certame de relato O Enxeño Engaiolado de Baiona; Haberán de construír un cemiterio nas illas, algún día!, 1º premio XIX Certame de Relato Curto de Mugardos; e Vivaldi de haikus, 1º premio XIX Certame de Poesía Anomar.