Currículum

Naceu en Xinzo de Limia (Ourense), a vila atravesada polo antigo Leteo que facía perder a memoria aos bebedores das súas augas ou a aqueles que tiveran o valor de atravesalas.
Ata os once anos, e a carón das historias de meigas, mouros e tesouros dos seus avós (que quizais sen sabelo foron os primeiros en inculcarlle a súa querenza polos contos) xogou naquela inmensa chaira que algún día estivo ateigada pola auga da lagoa. Esa foi a idade na que se trasladou a Vigo, cidade que quizais o teña absorbido por enteiro e na que reside dende entón.
É enxeñeiro técnico industrial pola E.U.E.T.I. de Vigo na especialidade de Electricidade.