Currículum

É funcionario da Xunta de Galicia desde o ano 2002, administración na que exerce diversos postos nas Consellerías de Educación e Ordenación Universitaria, Medio Rural, e Presidencia, Xustiza e Administracións Públicas. Sente paixón polas grandes civilizacións, en especial pola romana e a celta, galaica ou castrexa, raíces da súa Galicia natal. Coa súa primeira novela, “Las hijas del César”, é seleccionado entre os dez aspirantes finais do Premio Planeta de Novela 2006 (55ª edición). “As fillas do César”, publicada por Edicións El Andén en maio de 2008 en varios idiomas, consegue en tan só un mes a 2ª edición, xuño 2008; en decembro acada xa a 5ª edición, máis unha en galego, publicada simultaneamente e á venda o mesmo día, 17 de maio, “Día das letras galegas”, sendo o primeiro escritor español que publica en dous idiomas nacionais o mesmo día.

Logra o recoñecemento de lectores, libreiros e medios de comunicación ao situarse en días en lugares de privilexio nas listas de vendas. En numerosos lugares do territorio nacional consegue incluso desbancar a Carlos Ruiz Zafón como novelista máis vendido. "Con esta novela, Pablo Núñez regalounos unha intensa viaxe pola Galicia dos césares cos ingredientes da mellor novela de aventuras", Marta Rivera de la Cruz (Finalista do Premio Planeta de Novela con “En Tiempo de Prodigios”). “Pablo Núñez vai ser un gran escritor de novelas históricas”, Juan Gómez-Jurado (Gañador do Premio Torrevieja 2008 con “El emblema del Traidor”).

Tras máis de seis anos de documentación e escritura, Pablo Núñez amosa na súa primeira novela unha sorprendente capacidade de recreación histórica que une con grande mestría intriga, paixón e aventuras. Lucus Augusti é ao tempo escenario e protagonista deste relato, no que o autor a dota de vida nunha particular homenaxe á súa cidade. En 2010 ve a luz a súa segunda novela "Ladrones de Historia" con dúas edición. Ambos libros pódense adquirir en formato dixital en Amazon.