Obras realizadas

A obra de Nicomedes Pastor Díaz abrangue diversos campos:PERIODISTAÓs 17 anos xa publicara en El Museo a súa poesía "Alborada". Outros periódicos da época recollen composicións como "A la luna" (El Artista), "Mariposa Negra" (La Abeja). Varios artigos do autor recóllense en Museo Artístico y Literario, El Porvenir y No me olvides. A súa producción periodística cobraría cada vez máis importancia publicando numerosísimos artigos en periódicos como El Español, El Correo Nacional, El Heraldo, El Sol e El Conservador.ENSAISTACultivou ensaios históricos e de creación e crítica. Destacan Italia y Roma ou Roma sin el Papa como as súas primeiras produccións. Entre os seus ensaios de crítica é salientable Del Movimiento Literario en España en 1837 onde preconiza a exaltación romántica. A teoría da rivalidade vellos-mozos actualízase aquí enfrontando ós enquistados no pasado e os que pregoan un futuro mellor. Outros dos ensaios de crítica é Prólogo a las Obras Poéticas de don José Zorrilla. Tamén son dignos de mención os seus ensaios biográficos dedicados a Francisco J. de Burgos, Angel Saavedra, Diego de León e Ramón Cabrera.POETAEn 1840 publíca o seu tomo de Poesías. Fixo versos en galego, francés e castelán, destacando sobre todo A la Luna, La Mariposa Negra e La Sirena del Norte. Tamén destacan os versos franceses Vie et MortNOVELISTAEscribiu un relato curto titulado Una cita que se publicou en folletón no ano 1837. De Villahermosa a la China é unha obra un pouco máis ampla e mellor construída, xa fora inserida a súa primeira parte como folletín en La Patria (1848) e impresa dez anos despois tal e como se coñece actualmente. esta obra é denominada tamén polo autor Coloquios, trátase dunha narracións con fermosas narracións do país galego. É unha especie de novela autobiográfica que foi eloxiada pola crítica contemporánea.ORADOREntre as súas intervencións ante o Congreso destacan "Sobre la dotación del culto y clero", "La devolución de los bienes del clero", "Sobre la fuerza del ejército y los recursos para el material de guerra" e "Discurso de redención, enganches y reenganches de la gente de mar". Destacou o seu discurso parlamentario en defensa da Constitución de 1837 fronte a Bravo Murillo.POLÍTICONas súas Memorias de una campaña periodística, Los problemas sociales, Diez años de controversia parlamentaria e no seu Cuaderno de autógrafos inéditos deixou impreso gran parte do seu ideario político, presidido polo lema da paz, a orde e a xustiza.GALEGUISTANalgunha ocasión foi censurado por non dedicarse especialmente a Galicia, sen embargo, sempre que tivo ocasión de expresa-la devoción pola súa terra natal así o fixo, coma no discurso de agradecemento ó Liceo Artístico e Literario da Coruña con motivo da homenaxe no seu honor.O certo é que Pastor Díaz tivo presente a Galicia ó longo da súa obra literaria, especialmente no que se refire á estética da súa paisaxe. Sen embargo, en lingua galega só nos deixou a súa Alborada e a égloga Belmiro e Benigno descuberta no ano 1951 en poema manuscrito.