Obras realizadas

Entre 1794 e 1795 realizou 2 proxectos para a reconstrucción da Porta Santa da Catedral e da Igrexa de San Benito do Campo. Realizou, ademais, encargos do rei Carlos IV e traballou xunto a Cornide. En 1803 traballou na fábrica de Sargadelos e despois en reformas urbanísticas en Ribadeo, Noia e en pontes e estradas de Galicia. Entre 1818-1834 foi arquitecto municipal da Coruña. A súa obra máis importante é a Colexiata de Vigo, de proporcións neoclásicas. En Santiago deu as trazas para a fachada da Igrexa de San Miguel dos Agros, sendo rematadas as obras por José Otero no século XIX. Deu, tamén, as trazas para a fachada da igrexa de San Benito do Campo (Santiago) e as da Capela das Ánimas. Construíu na Coruña o camarín e altar dos Dolores da Igrexa de San Nicolás; en Pontevedra, a Capela dos Milagres, e, en Lugo, o tabernáculo da Capela Maior da catedral.