Manuel Torre Iglesias


Categoría: Comunicador e escritor
Data de Nacemento: 1941
Lugar de Nacemento: Pontedeume (A Coruña)
 Currículum

É veciño das Rozas (Madrid), onde reside desde 1966, ano da súa incorporación a TVE. Mestre e licenciado en Filosofía, exerce o xornalismo en medios escritos, radio e televisión desde hai trinta anos.

 Obras realizadas

No ámbito radiofónico, foi creador, presentador e director nos programas En Familia (1975) e Tiempo de Vivir (1976-82), en Radio Nacional de España-Radio 1, Nuestros hijos (1980) e Vivir para vivir (1987-89), dentro de Radio Cadena Española. Na pantalla televisiva, deseñou e conduciu as seguintes series: Escuela de Salud (1976-79), Voces sin voz (1981-82) e Usted por ejemplo (1983-84) desde a Primeira Cadea de TVE, e Boa Saúde e Meigas Fóra (1990-95), na Televisión de Galicia (TVG). Desde 1997, dirixe e presenta o programa diario Saber vivir na Primeira e o Canal Internacional de TVE, labor social que foi recoñecido con galardóns como: ?Premios Amigos de la Tierra", "Premio de la Fundación Española del Corazón" (1997-99), "Premio Instituto Danone a la Divulgación Científico Periodística" (1998) e "Premio de Ediciones Mayo a la mejor labor divulgativa de la Sanidad en Medios de Comunicación de Masas" (1999). Coautor das obras: -Comida Sana (auténtico fenómeno editorial de 1999, con máis de 400000 exemplares vendidos en toda España), -Mayores con Salud -e a serie de videolibros para Saber Vivir (Relajación para Saber Vivir, Cuerpo en Forma para Saber Vivir). Autor de múltiples artigos, reportaxes e entrevistas, como colaborador habitual con sección propia nas publicacións "Blanco y Negro", "Interviú", "Salud Total", "Natura", e "Muy Interesante", cabecera donde realizou a serie "Científicos Españoles".

 Outros datos de interese

Promotor, xunto á Fundación para o Desenvolvemento do Transplante Hepático, da primeira "Casa dos Transplantes" en España. Recibiu, entre outros, os Premios Ondas, Pro Dereitos Humanos e Joaquín Costa pola seu labor periodístico. Membro da Asociación da Prensa e socio fundador da Academia das Ciencias e as Artes da Televisión de España.