Outros datos de interese

Foi membro da directiva do Observatorio do Vaticano durante quince anos. Gracias á solicitude do Consello Pontificio de Cultura ten participado en congresos sobre Ciencia e Fe en Cali e Medellín (Colombia). Ademais, foi tamén un dos conferenciantes invitados ó Congreso de Metafísica e Ciencia en Roma (setembro, 2000) e Santiago de Compostela (setembro, 2002). O seu interés pola Astronomía levouno a desenvolver dous novos instrumentos adecuados para usar como axuda docente ou para o disfrute da observación astronómica: un firme e cómodo soporte para prismáticos, polo que se lle concedeu unha patente en Estados Unidos, e foi seleccionado como un dos dez productos máis importantes do ano 2001 na famosa revista 'Sky and Telescope'; un sistema óptico pregado que permite que un instrumento portátil libere unha gran enerxía, ó que lle concederon unha minuciosa descrición na edición de outubro de 2002 da revista 'Sky and Telescope' e actualmente está sendo considerada para producción. A fotografía artística e a pintura son complementarias ó seu traballo científico. Celebráronse varias exposicións das súas fotografías na Universidade John Carrol, moitas delas foron usadas pola Universidade en moitas publicacións, calendarios do colexio e informes anuais. En 1987, celebrando o centenario de John Carroll, foi galardoado coa Medalla Centenaria pola súa contribución á Universidade, especialmente cunha exposición de fotografías que presentaba os logros dos xesuítas durante 400 anos. Ese mesmo ano tamén foi invitado a formar parte dun grupo excursionista a Israel para administradores e alumnos do colexio para traer un arquivo artístico da viaxe. En España, a Catedral de Toledo requeriu a súa axuda para crear un arquivo da arte contida nesa igrexa, tanto pinturas dos grandes mestres (El Greco, Goya, Tiziano..) como os tallados que adornan o coro. Tamén se celebrou unha exposición das súas fotografías en Madrid. A Xunta de Galicia concedeulle en 1999 a Medalla Castelao.