Luis Ramón Barreda Quintas

Categoría: Pintor
Data de Nacemento: En 1963
Lugar de Nacemento: Ourense

   Cultura
 Currículum

Despois de ter pintado durante máis de 20 anos sen dar a coñece-la súa obra fóra do seu entorno, é a partir do ano 2000 cando Barreda nos presenta o resultado de todos estes anos, que o levaron a crea-lo seu propio estilo e técnica que podemos ver nas súas obras. Os temas son moi variados e van desde o abstracto ó figurativo. Son obras cheas de colorido, onde a luz se fai forte e os colores cobran un importante protagonismo na execución e composición da mesma.

 Obras realizadas

Ten realizado as seguintes exposicións individuais: Sala "Caixanova" (O Barco, Ourense), Fundación Araguaney (Santiago), Galería "Sargadelos" (Monforte, Lugo), Galería "Sargadelos" (A Estrada, Pontevedra), "Casa do Escudo" (Concello de Verín, Ourense), Ateneo de Ourense e "Casa da Xuventude" (Ourense). Tamén realizou unha exposición colectiva na "Cidade da pintura" (virtual) e na "Fiesta del olivo" (Casa da Cultura de Mora, Toledo). Tomou parte nos seguintes concursos: "I Certamen Ciudad de la Pintura" (Caja Vital Kutxa); "Bienal de d'art Tarragona 2002"; "XXIII Premio Tapiro"; "Certamen Internacional de Pintura" (Galería de Arte "Aitor Urdangarín"); "XXVI Certamen Nacional de Pintura" (Concello de Mora, Toledo); "XVIII Premio Lóreal de Arte Contemporáneo" e "VII Certame Ilustrísimo Concello de Cangas".

 Outros datos de interese

Conseguiu os premios de instalación do escaparate de Nadal da Cámara de Comercio de Ourense nos anos 1991, 1993, 1994, 1998 e 1999.