Obras realizadas

A súa obra, inicialmente de tipo figurativo e realista, evolucionou posteriormente cara outras tendencias. Fixo multitude de exposicións en Lugo, Galicia e España. Participou no Certame Nacional de Artes Plásticas, no III Concurso Exposición "Mestre Mateo" (Santiago de Compostela), na I Bienal de Arte e na II Bienal Rexional (Deputación de Pontevedra), etc. Obras súas atópanse en coleccións privadas (de Galicia, España e EE.UU.) e públicas (Concello de Lugo, Deputación de Lugo, Museo Provincial de Lugo, Museo de Ourense, etc.). Os temas máis frecuentes nas súas obras son os humanos, os oníricos e as creacións duns mundos fantasmagóricos. Entre as súas obras, realizadas en madeira ou barro, teñen especial significación o "Busto de Kant", "A nai Terra non discrimina ós seus fillos", "A bomba atómica", "Valle Inclán", "Voando", "Figuracións á beira do lume", "Anguria", "Tolleito", "Familia" e "Busto de Ricardo Rodríguez Ferreiro".