Currículum

Licenciado en medicina pola Universidade de Santiago, con Sobresaliente.

Emigrou a Méjico onde desempeñou o seu labor profesional gozando dun grande prestixio, na época da revolución Mejicana o propio xeneral Emiliano Zapata, pediulle que fose o seu médico persoal, proposta que foi rexeitada, alegando que de ser así sería o máis infeliz dos 'gachupines'.

Foi director médico do Hospital da Beneficencia Española en Torreón. Estivo a piques de perder a vida durante a revolución mejicana, pois tivo que atender obrigado polas armas a un dos lugartenentes de Pancho Villa. Tivo que operalo, sen anestesia, simplemente dándolle tequila para embriagalo antes da cirurxía. Unha vez este miliciano estivo recuperado volveu polo hospital para axustar contas. Á chegada indicoulle a unha das monxas Josefinas que facían de enfermeiras no devandito hospital, que fixese o favor de saír o doutor pois viñan fusilalo. A monxa transmitiu o recado ao doutor, e este que nese momento atopábase en quirófano, devolveulle o recado dicíndolle que por favor esperasen un pouco para matalo pois se o facían nese momento, non habería unha, senón dúas mortes, a súa e a do paciente que estaba a intervir, pois non habería outro cirurxán que completase a operación. A monxa saíu pero transmitiu outra mensaxe da súa propia colleita: 'pénseo ben antes de facer nada, pois non hai outro médico en 800 km á redonda'.

Foi un médico cirurxán moi querido e respectado. Foi nomeado Vice-Consul de España na cidade de Torreón, con xurisdición nas cidades de Viescas, Parras, San Pedro e Matamoros durante 24 anos, deixando o cargo por cansazo e retorno definitivo á península.