Laura Elena Sánchez Piñón


Data de Nacemento: 5 de decembro de 1954
Lugar de Nacemento: Bos Aires (Arxentina)
 Currículum

É doutora en Ciencias Biolóxicas e Catedrática de Xenética na Universidade de Santiago de Compostela, onde foi adxunta ao Vicerreitorado de Coordinación do Campus de Lugo desde 1994 ata 1998. Ten realizado estudos de especialización na Universidade de Roma (Italia), Würzburg (Alemania) e Cagliari (Italia). Foi EMBO Senior Fellowship no ‘Human Genome Mapping Project-Resource Centre’ en Cambridge (Reino Unido). Foi coordinadora de Investigación e Relacións Científicas no Vicerreitorado de Investigación da Universidade de Santiago de Compostela, e presidenta da Comisión da Biblioteca e do Arquivo Histórico nesta universidade. Na actualidade, é a Conselleira de Educación e Ordenación Universitaria.

 Obras realizadas

Autora de máis de setenta publicacións internacionais recollidas no Science Citation Index, foi directora de dez teses doutorais. Así mesmo, Sánchez Piñón dirixiu numerosos proxectos nacionais e internacionais en relación con diversos temas de xenética básica e aplicada. Membro do comité editorial de numerosas revistas internacionais, pertence a diversas sociedades científicas, entre elas a American Association for the Advancement of Science.
Dirixiu un grupo de investigación de vinte persoas que realiza investigación aplicada no campo da xenómica de peixes e colaborou coas principais empresas galegas do sector.