Currículum

-Titulouse na Escola de Arquitectura de Madrid en 1977, tras cursa-las dúas especialidades entón existentes: Urbanismo e Edificación. -Doutor pola Universidade Politécnica de Madrid (1983), cunha Tese sobre historia urbana: "Madrid 1898-1931: de corte a metrópole", que foi publicada pola Consejería de Cultura da Comunidade de Madrid.-É Catedrático de Historia da Arquitectura e de Urbanismo da Escola Técnica Superior de Arquitectura da Coruña, da que foi director desde 1989 ata 1997. O seu principal labor como director foi a elaboración das directrices xerais da titulación de arquitecto (1990-92) e do novo plan de estudios da Coruña (1992-95).-É un dos pais fundadores da Univ. da Coruña, formando parte da Xunta de Goberno desde a súa creación, pertencendo á Comisión de Ordenación Académica e Profesorado (1990-93) e ó Consello Social (1995-97).-Especialista en temas de Historia da Arquitectura e Historia do Urbanismo, é autor de numerosas publicacións en ámbalas dúas materias, sobre as que impartiu conferencias e seminarios en distintas universidades españolas, así como en institucións do Reino Unido, Italia, México e os Estados Unidos, estes últimos dentro do Programa Fullbright 1989-91.