José Manuel Dapena González


Categoría: Músico, Guitarra clásica
Data de Nacemento: 31 de decembro de 1968
Lugar de Nacemento: Pontevedra
Teléfono: 608834230
Correo electrónico: 
Formulario de contacto
 Obras realizadas

José Manuel Dapena é segundo a crítica alemá "...un guitarrista que toca con moita seguridade e que en cada momento prevalece a sensación de que nos guía con gran transparencia a través da música.". A revista Classical Guitar dixo sobre o seu debut en Inglaterra: "...conseguiu un gran nivel nunha memorable interpretación...", "...mostrou unha gama de técnica experta e de delicadas emocións...", "...técnica segura, bonito son e imaxinativas habilidades interpretativas...". A crítica de Estados Unidos escribiu estes titulares: "...un guitarrista de talento e un expoñente artístico da cultura española...", "...un concerto perfecto de musicalidade conmovedora...", "...un mestre da guitarra española ..." Desde os estudos elementais do instrumento recibiu clases do guitarrista David Russell, quen influíu de xeito transcendental na súa concepción da guitarra e quen escribiu, "... é un excelente intérprete, cun son redondo e forte, áxil técnica e capaz de crear maxia coa súa fraseo musical". Tamén estudou con Manuel Barrueco en Peabody Conservatory. A súa música abarca todos os estilos, transcricións desde Bach ata as obras máis actuais. Está moi interesado nos programas monográficos. O seu último traballo neste campo foi a integral das sonatas de Sor para guitarra soa e a obra completa de Joaquín Turina con motivo do 50 aniversario da súa morte. O seu neto e compositor José Luís Turina, profesor de José Manuel no Conservatorio de Madrid, dixo del: "...posúe unha formación musical integral, tanto no aspecto escrito como analítico, que beneficia a súa brillante actividade profesional". Emisoras de Europa e América retransmitiron a súa interpretacións e cabe destacar un concerto-entrevista en directo para a (WGBH) de Boston. José Manuel ten unha ampla experiencia internacional tocando en auditorios como o Raitt Recital Hall - Os Angeles, Coral Gables - Miami, French Library - Boston, Leaking Hall - Baltimore, Henegar Arts Center - Melbourne, St. Paul's - New York, The Three Arts - Chicago, C. Cathedral - Hartford (USA), Johannesgasse Konzertsaal - Vienna (Austria), Atrium de Chaville – París (Francia), Sala Maia - O Porto (Portugal), Philippos Nakas – Athens (Grecia), Palazzo Borsalino - Alessandria (Italia), Yotsuya Kumin Hall - Tokyo (Xapón), Fundación Juan March - Madrid (España), King John's House -Southampton, Greenwood Centre - Twickenham, Knott Memorial Hall - Newcastle, Cedar Park - Derby (Inglaterra), Souza Lima - Sao Paulo (Brasil) or Royal Dublin Society (Irlanda). Como artista de Musiclas International gravou o seu primeiro CD: "Rincón mágico - Música de Joaquín Turina sobre os manuscritos orixinais". No ano 2006 dá a volta ao mundo con obras de 1936 a 1939, Antonio José, J. Turina e Rodrigo, dedicado ao 70 aniversario da Guerra Civil Española para o público de Nova York, Londres e Tokio. A tempada 2007/2008 debuta no Carnegie Hall de Nova York e nos festivais de guitarra de Columbia, Miami e Bangkok.

O 12 de Marzo de 2011 deu un concerto en Túnez, no Instituto Cervantes, no que foi a primeira acción cultural de dita institución despois da revolución tunecina.

 Outros datos de interese

Web: http://www.manueldapena.com