Obras realizadas

En contraste coa súa formación técnica, é afeccionado e experto en temas relacionados coa historia e a nobreza galega, fundamentalmente nos séculos X, XI e XII, e en concreto, o Monacato en Galicia, sobre o que deu numerosas charlas e conferencias. Os seus traballos baséanse no estudio das fontes documentais da alta idade media galega. Posúe unha extensa biblioteca sobre a arte e a historia de Galicia, especializada en temas medievais, con máis de tres mil volumes. Na actualidade é presidente da Asociación de Estudios Históricos de Galicia. Froito de todo iso, é a publicación de numerosos traballos sobre o monacato galego, destacando o referente ó mosteiro de Santa María de Monfero (trece publicacións, a última delas, con 1140 reseñas dos documentos medievais, despois de reconstituír o arquivo do Mosteiro), o mosteiro de San Juan de Caaveiro, San Isidro de Callobre, San Salvador de Cines, Sal Salvador de Bergondo, etc, ata chegar, despois de máis de dez anos de investigación, ó libro Historia del Monasterio de Santa María de Monfero, obra que recolle, por primeira vez, unha historia documentada e detallada deste importante mosteiro do Císter. Sobre a nobreza, editou recentemente o libro La nobleza altomedieval gallega. La familia Froilaz-Traba (importantes personaxes galegos nos séculos XI e XII). En total, nos últimos anos, leva vinteoito traballos publicados.