Currículum

Estudiou a carreira sacerdotal no Seminario Diocesano de Tui e no Hispano-Americano de Madrid. En 1959 ordenouse de sacerdote en Vigo e exerceu o seu ministerio sacerdotal en varias parroquias da diocese de Tui-Vigo. Desde 1965 ata 1995 estivo exercendo como capelán militar nas Forzas Armadas. Ó pasar á reserva, coa graduación de coronel capelán, fixou a súa residencia en Vigo, onde lle chegou a situación de retiro o 17 de febreiro de 1999. Posúe, ademáis, os títulos académicos de doutor en Teoloxía pola Facultade de Teoloxía de Cataluña e licenciado en Filosofía e Letras pola Universidade Complutense de Madrid (Especialidade en Historia da Arte). Na actualidade é director do Museo Diocesano de Tui, profesor de Teoloxía no Seminario Diocesano e profesor de Historia da Igrexa no Instituto Teolóxico “San Agustín”. Tamén foi nomeado cóengo da S.I. Catedral de Tui-Vigo, onde continúa o seu ministerio.