Francisco Javier Gómez-Ulla de Irazazábal

Data de Nacemento: 21 de outubro de 1953
Lugar de Nacemento: A Coruña
Correo electrónico: 
Formulario de contacto
 Currículum

É licenciado en Medicina e Cirurxía (Santiago de Compostela, 1975), especialista en Oftalmoloxía (1978), oftalmólogo de Sanidade Nacional (nº 1 da súa promoción, 1979), doutor en Medicina (1981), profesor titular de Oftalmoloxía da Universidade de Santiago de Compostela (1984), catedrático de Oftalmoloxía da Universidade de Santiago de Compostela (2002), xefe da Unidade de Retina Médica e Diabete Ocular no Servizo de Oftalmoloxía do Complexo Hospitalario Universitario de Santiago, director do Instituto Tecnolóxico de Oftalmoloxía (Santiago de Compostela) desde 2001 e director executivo do Hospital Oftalmolóxico Sta. Teresa (A Coruña) de 2003 a 2005.
Realizou a súa formación no Servizo de Oftalmoloxía do Hospital Xeral de Galicia que dirixía o profesor Sánchez Salorio, onde foi residente desde 1977 a 1979, adxunto clínico de 1980 a 1983 e xefe de sección desde 1984. Completou a súa formación en hospitais e centros de investigación en Francia, Alemaña e Estados Unidos. Actualmente é presidente da Sociedade Oftalmolóxica de Galicia e vicepresidente da Sociedade Española de Retina e Vítreo.

 Obras realizadas

Autor de máis de 130 artigos en revistas nacionais e estranxeiras, ten publicado 8 libros, 9 monografías e 24 capítulos de libros. Dirixiu 13 teses de doutoramento, 23 proxectos de investigación e 8 ensaios clínicos internacionais que finalizaron ou están actualmente en curso.
Ten participado en máis de 500 ocasións con comunicacións a congresos, cursos ou conferencias por invitación.
Publicou os seguintes libros:
-‘Angiografía Fluoresceinica y Láser. Diagnóstico y tratamiento de las enfermedades del fondo de ojo’ (1988, Servizo de Publicacións da Universidade de Santiago).
-‘La Circulación Coroidea’ (1989, Edika-Med, Barcelona).
-‘La Mácula Senil’ (1993, Edika-Med, Barcelona).
-‘Nuevos Métodos de Exploración Retiniana’ (1994, Sociedade Española de Oftalmoloxía, Madrid).
-‘Antiinflamatorios y Antiangiogénicos Intraoculares’ (2004, Sociedade Española de Oftalmoloxía, Madrid).
-‘Degeneración Macular asociada a la edad’ (Ed. Prous Science, Barcelona, 2005).
-‘Tratado Médico-Quirúrgico de la Retinopatía diabética’ (Ed. Mcline S.A. 2006).
-‘Retinopatía Diabética’ (Ed. Mac Line SL, Madrid, 2006).
Nos últimos anos ten realizado diversos ensaios clínicos promovidos por laboratorios.
As súas liñas de investigación actual céntranse no estudio da retina:
1. Dexeneración macular asociada á idade: Novos tratamentos antiangioxénicos e terapia de combinación.
2. Diabetes ocular: tratamento do edema macular diabético, Triamcinolona Intravítrea e Telemedicina.
3. Desenvolvemento de sistemas expertos para o recoñecemento de imaxes do fondo de ollo e o seu diagnóstico automático.

 Outros datos de interese

Está en posesión dos dous premios máis importantes da Sociedade Española de Oftalmoloxía: o Premio Arruga e o Premio Castroviejo.