Currículum

Obtivo o título de licenciado en Medicina y Cirurxía, pola Universidade de Santiago de Compostela, en 1973, o grao de licenciatura, na Facultade de Medicina de Santiago de Compostela, en 1974, o título de médico especialista en Obstetricia e Xinecoloxía, Universidade de Santiago de Compostela, en 1976, completando a súa formación como Médico Residente no departamento de Obstetricia e Xinecoloxía do Hospital Xeral de Galicia de Santiago de Compostela nos anos 1974, 1975 e 1976. En 1976 obtén o diploma da Escola Profesional de Obstetricia e Xinecoloxía, da Universidade de Santiago de Compostela, que o faculta para exerce-la especialidade de Obstetricia e Xinecoloxía. Conseguiu a praza de médico adxunto de Obstetricia e Xinecoloxía da Residencia "Hermanos Pedrosa Posada" de Lugo (hoxe Complexo Hospitalario "Xeral-Calde"), tomando posesión en maio de 1977. Obtivo a "Venia Docendi", outorgada polo rector da Universidade de Santiago de Compostela, para impartir docencia na Escola Universitaria de Enfermería de Lugo, sendo nomeado profesor encargado da materia de Enfermería Maternal (1979-1980, 1983-1984 e 1984-1985). No curso 1980-1981, foi nomeado instructor colaborador de Clínica Obstetricia, polo rector da Universidade de Santiago de Compostela, no "Curso de Práctica Clínica Hospitalaria" da Facultade de Medicina no Centro Colaborador da Residencia Sanitaria de Lugo. Concedéuselle a "Venia Docendi" para exercer labor docente como titor clínico no curso Rotatorio de Licenciatura de Medicina e Cirurxía no Hospital Xeral Hermanos "Pedrosa Posada de Lugo" no curso académico 1985-86. Desde 1998 foi xefe de sección de Obstetricia e Xinecoloxía do Complexo Hospitalario Xeral-Calde.