Currículum

De nai uruguaia e pai galego, en 1888 instálase cos seus pais en Rianxo (A Coruña), onde traba amizade con Castelao. Cursou estudios no Seminario Conciliar de Santiago (1893-1904) e, a punto de ordenarse, renuncia ó sacerdocio. Sendo estudiante de Filosofía e Letras, funda con Castelao "El Barbero Municipal". Estas loitas políticas determinan o rumbo ulterior de Dieste e o seu retorno a Uruguai en 1911. En Uruguai exerceu o xornalismo e a ensinanza, significándose principalmente como orientador e animador, en Montevideo, do grupo de poetas e artistas "Teseo". Destinado a Londres como cónsul xeral (1927), en 1931 volve a España onde desempeña funcións de cónsul en Bilbao, Cádiz e Madrid. En 1935 patrocina en Madrid a revista "P.A.N." (Poetas Andantes y Navegantes). A comenzos da Guerra Civil, e en desacordo co goberno do Uruguai, que rompera as súas relacións coa República, renuncia ó seu cargo de cónsul e regresa a Montevideo, onde permanece en situación de dispoñibilidade. A finais de 1943 é nomeado cónsul en San Francisco de California. Con cargo análogo trasládase posteriormente a Nova Iorque (1952) e, por último, a Santiago de Chile (1953).