Currículum

Doutora en Etnoloxía e Etnografía pola Universidade de Pennsylvania. Dende o ano 2008, é científica titular do CSIC no Instituto de Ciencias do Patrimonio (Incipit), Consello Superior de Investigacións Científicas (CSIC).

As súas liñas de investigación versan sobre o papel dos rituais e a cultura expresiva nas sociedades contemporáneas; os procesos de patrimonialización e tradicionalización; a intersección entre os procesos migratorios e a revitalización de prácticas relixiosas.

Investigadora principal dos proxectos de investigación do Plan Nacional de I+D "El Archivo del Duelo" (2005-2008), sobre os rituais de duelo en espazos públicos despois dos atentados do 11 de marzo en Madrid; e "Procesos de formacion y cambio del paisaje cultural del Parque Nacional de las Islas Atlánticas de Galicia" (2011-2013), un estudo integral do patrimonio cultural do parque. Coordinadora do nodo CSIC do proxecto "Identity and Conflict. Cultural Heritage and the Reconstruction of Identities After Conflict (CRIC) (2008-2011)" do VII Programa Marco da UE, que ten como obxectivo investigar os usos e instrumentalizacións do patrimonio cultural despois de situacións de conflito; e investigadora principal do proxecto "Procesos de patrimonialización non Camiño de Santiago: tramo Santiago-Fisterra-Muxía" (2009-2012, XUGA).