Obras realizadas

En 1968, con seis compañeiros crea en Vigo o grupo cultural “O Castro”, asociación cultural que ten como finalidade reivindicar nos ámbitos culturais e relixiosos o galego como lingua propia. En 1974 crea a cooperativa de vivendas do grupo de empresas “Álvarez” e a súa militancia feminista lévaa a visitar casas de acollida para mulleres maltratadas en Francia. En 1975 créase en Vigo a organización feminista “Asociación Gallega de la Mujer” (AGM), á que pertence desde a súa fundación ata 1982. En 1976 contacta coas organizacións feministas de México, participando nos grupos de traballo da organización feminista “Mujeres por la Igualdad”. En 1993 visita a antiga Iugoslavia cunha comisión española e europea coa finalidade de denuncia-las atrocidades que se están cometendo coas mulleres. En 1995 participa na Conferencia Mundial de Pekín como representante de Alecrín, presentando nesta conferencia a proposta de inclusión do acoso sexual laboral, sendo aceptada pola comisión e incluída nas conclusións finais. En 1999 promove a creación da “Cátedra Caixanova de Estudios Feministas” da Universidade de Vigo e na que agora é secretaria representando á patrocinadora Caixanova. No ano 2003 comparece no Parlamento Galego ante a Comisión Especial sobre Prostitución (xullo, 2003) e no Senado ante a Comisión Especial sobre a Prostitución (novembro, 2003).