Ana Ferreira

Categoría: Pintora e deseñadora gráfica
Data de Nacemento: 11 de febreiro de 1973
Lugar de Nacemento: Ferrol (A Coruña)
Correo electrónico: 
Formulario de contacto

   Cultura
 Currículum

Xa desde pequena mostra unha clara inclinación pola pintura gañando diversos premios. Desde os 6 ata os 14 anos recibe clases de debuxo e pintura con Raimundo Anido. Estudia Belas Artes en Pontevedra e licénciase en 1996 (Universidade de Vigo), especializándose en Deseño e Audiovisuais. Acabada a carreira dedícase ó deseño gráfico e web traballando en diferentes empresas de deseño na Coruña, Madrid e Ferrol e impartindo cursos de deseño de páxinas web e retoque dixital en diversos lugares de Galicia. Na súa estancia en San Ciprián, toma contacto con xente do mundo da arte e encontra, nese entorno natural, a inspiración necesaria para retoma-la pintura. Desde principios do 2005 dedícase intensamente á pintura no seu estudio de Ferrol pero a Mariña deixa tal impresión nela que a finais dese mesmo año se traslada a vivir de novo alí, para pinta-lo seu mar, os seus faros, as súas gaiotas, o seu vento... non só como interpretación plástica da paisaxe senón como meditación do sentimento e a emoción persoal. Actualmente imparte clases de Educación Plástica e pintura e segue a pintar no seu novo estudio de Narón.

 Obras realizadas

Ten realizado as seguintes exposicións individuais: Casa da Cultura, Burela (Lugo, 2007), O Caseto de Copa, Cervo (Lugo, 2007), Sala de Arte Porta Nova en Ferrol (A Coruña, 2007), Cervecería Cardebelle. Narón (A Coruña, 2006), Centro Comarcal A Mariña Occidental. Viveiro (Lugo, 2006), Nordeste (San Ciprián, 2006), Cafetería Atrezzo (Burela, 2006), Concello de Cervo (Lugo, 2006),Cafetería Fontenova (Viveiro, Lugo, 2006), Concello de Mugardos (A Coruña, 2006), Nordeste (San Ciprián, Lugo, 2006), Café Zucre (Ferrol, 2005), Mesón As Travesas (Cambre, A Coruña, 2005), Pub Goleta (Lugo, 2005), Clínica Álvarez y Asociados (Lugo, 2005), El Cuarenta y cuatro (Lugo, 2005) e Nordeste (San Ciprián, Lugo, 2005).
Realizou as seguintes exposicións colectivas: Exposición de Nadal en Galería Clérigos (Lugo, 2007), “XVII Concurso Bello Piñeiro” (Mugardos, 2007), “La mujer en la pintura”. Casino de Ferrol (2007), XII Certame de Arte “Galería Burela”. 1º Premio (2007), Mostra colectiva de fotografía “Puertas y ventanas”. San Ciprián (Lugo, 2007), Seleccionada en el I Premio de Pintura “Toxos e Froles” (2006), “Maternidad” (Pazo da Trave, Viveiro, 2006), XVI Concurso de Pintura Bello Piñeiro (Conseguiu o 2º premio) (Mugardos, 2006), III Certame de Pintura Club Naval de Oficiais de Ferrol (2006), Salón de Primavera 2006 “La mujer en la pintura” (Ferrol), ART XOVE (Casa da Cultura, Pontedeume, A Coruña, 2006), XI Certame de Arte “Galería Burela” (2006), II Concurso de Pintura Racing Club Ferrol (accésit, 2006), Mostra colectiva (C.I.T de San Ciprián, Lugo, 2005), El Alquimia (Foz, Lugo, 2005), II Certame de Pintura Club Naval de Oficiais de Ferrol (2005), Mostra colectiva de fotografía “Rincones de San Ciprián” (San Ciprián, Lugo, 2005), Mostra colectiva (C.I.T de San Ciprián, Lugo, 2005), X Certame de Arte “Galería Burela” (Burela, Lugo, 2005), XV Concurso de Pintura Bello Piñeiro (Mugardos, A Coruña, 2005), VI Concurso de Pintura Bello Piñeiro (Mugardos, A Coruña, 1997), Eidos 96 (Ateneo ferrolán, 1996), IV Salón de Arte Xove de Ourense (1995), Novos valores (Pontevedra, 1995), Eidos 95, Ateneo ferrolán (1995), Exposición de Gravado e Estampación (Teatro principal de Pontevedra, 1995), Exposición Belas Artes: “Acento” (Teatro Principal de Pontevedra, 1995) e “Posición 93” (Teatro Principal de Pontevedra, 1993).

 Outros datos de interese

Conseguiu os seguintes premios:
2007. 1º Premio no XII Certame de Arte “Galería Burela”, Burela (Lugo).
2006. 2º Premio en el XVI Concurso de Pintura Bello Piñeiro. Mugardos (A Coruña).
2006. Accésit no II Concurso de Pintura Racing Club Ferrol.
2005. Taller de creación artística baixo a dirección do Pintor Ladislau da Regueira, Mugardos.
2005. 1º Premio de fotografía. “Rincones de San Ciprián”.
2003. Premio de anagrama para a OMIX de Mugardos.
1993. Premio “VIII Concurso de Felicitacións de Nadal Ence-Pontevedra”.
En 1992 realizou un proxecto escultórico con Silverio Rivas. Porriño.