Currículum

Licenciado en Teoloxía (Roma, 1966-68), foi ordeado sacerdote en Roma o 18 de marzo de 1967. Ademais, realizou estudos de Paleografía e Diplomática no Vaticano (1966-68) e é diplomado en Arquivística e Biblioteconomía (1966-68), en Dirección de Empresas e Informática (Santiago, Madrid: 1972, 1973) e Restauración de libros e documentos no ‘Instituto Vaticano per ill restauro dei libri’ (1967). Foi secretario particular do Arcebispado de Compostela (1972-74), creador e director do Arquivo Histórico Diocesano de Santiago (1969-96; 2005-), delegado episcopal para o Patrimonio Documental e Bibliográfico da Diocese de Santiago de Compostela (1975-1994), coordinador e director xeral das visitas do Santo Padre a Santiago (1982 e 1989), membro da Xunta Central do Primeiro Centenario da Fundación do Pontificio Colexio Español de Roma (1989-92), responsable de Relacións Institucionais do Arcebispo de Santiago (1989-94), nomeado protonotario apostólico super numerario pola S.S. Juan Pablo II o 5 de maio de 1999, secretario particular dos cardenais-arcebispos de Santiago de Compostela e Madrid (1989-2005), secretario particular do presidente da Conferencia Episcopal Española (1999-2005), coordinador xeral do II Encontro Mundial do Consello Ecuménico das Igrexas (Santiago, 1993), secretario de redacción da revista ‘Compostellanum’ do Centro de Estudos Xacobeos do C.S.I.C., Galicia (1974-79), membro por elección do comité executivo da Asociación de Arquiveiros da Igrexa en España (1975-81) e vicepresidente de ANABAD, Galicia.