Currículum

Enxeñeiro de Telecomunicación (1990) pola Universidade de Santiago de Compostela e doutor enxeñeiro de Telecomunicación (1997) pola Universidade de Vigo, exerce desde 1990 como profesor na Escola Técnica Superior de Enxeñeiros de Telecomunicación de dita universidade, desempeñando ademais os cargos de secretario do Departamento de Tecnoloxías das Comunicacións (1997-2000), secretario (2000-2003), responsable de Relacións Internacionais (2002-2004) e subdirector de Relacións Externas e Actividades (2003-2004) de dita Escola, e comisionado para o Espazo Europeo de Educación Superior da Universidade de Vigo, con rango de Vicerreitor (2004-05). Tamén foi, entre 2003 e 2005, secretario da Asociación de Enxeñeiros de Telecomunicación de Galicia e vogal da demarcación galega do Colexio Oficial de Enxeñeiros de Telecomunicación. Foi Director Xeral de Comunicación Audiovisual da Secretaría Xeral de Comunicación da Xunta de Galicia.