Currículum

Estivo un ano nos Pais Escolapios en Salamanca, e logo estudou todo o bacharelato no Instituto Sánchez Cantón de Pontevedra. Fixo Maxisterio tamén en Pontevedra, e dende 1983 traballa como mestre. Actualmente exerzo a miña profesión no CEP Pilar Maestú Sierra da Pobra de Caramiñal, localidade onde vive dende hai anos. 
Sempre lle gustou escribir, xa desde neno. Na súa adolescencia e xuventude escribiu moita poesía, pero aos 25 anos queimouno todo e só conservou un poema. Posteriormente, empezou a escribir narrativa e en 1994 gañou o Premio Literario O Facho cun pequeno conto, titulado “A segunda hora da tarde”. Iso animouno e en 1999 publicou “O día que Miguel Induráin pasou por Gonderande” (Editorial Galaxia). En 2001 gañou o Premio Abril con “Manual de instruccións para querer a Irene”(Edit. Galaxia). “Ese unicornio rosa”(Edelvives, 2005) foi o seu terceiro libro. Por último, en 2006, gañou o Premio Barco de Vapor con “Unha bruxa ben rara” (Edit. SM).