Currículum

A pesares de ter nacido en Francia, foi trasladado a Vigo de neno, onde pasou a maior parte da súa vida. Alí realizou os estudios primarios, bacharelato e Ciencias Económicas na Facultade de Vigo. Posteriormente cursou un Máster en Dirección e Administración de Empresas na Escola de Dirección e Administración de Empresas (EDAE-Madrid). Con dezaseis anos iniciou a súa carreira profesional, que foi compatibilizando cos seus estudios oficiais e formación complementaria. Conta con máis de doce anos de experiencia en diversos sectores productivos e chegou a desempeñar funcións directivas en empresas industriais (ferro forxado artístico e alimentación) e de servicios (internet). No ano 2002 decide dar un xiro á súa carreira profesional e matricúlase na Escola de Artes Aplicadas “Ramón Falcón” de Lugo para cursar o Ciclo Superior denominado “Artes Aplicadas a la Madera”. Neste tempo a formación céntrase na Talla de Madeira e Ebanistería Artística, profundizando tamén sobre materias como Policromía e Dourado da Madeira, Escultura, Debuxo Artístico e Técnico, Deseño Asistido por ordenador e Historia da Arte.