Currículum

Viviu unha infancia normal e feliz. Comezou os seus estudos primarios no colexio do barrio “Ibáñez Martínez”. Alí comezou a afeccionarse polo debuxo. Na súa clase había un libro que lle parecía marabilloso, no que escribían e debuxaban só algunhas alumnas. Cando ela puido facelo, motivábaa tanto que a súa afección polo debuxo medraba. A aquel libro chamábanlle “o diario”.

Estudou o bacharelato no Instituto Concepción Arenal. Despois estudou Maxisterio nas Mercedarias. Alí comezou a facer decorados, carteis e ilustracións para nenos na asignatura de Metodoloxía e Prácticas. Volcouse nas súas habilidades no mundo para o que se estaba formando. As súas primeiras acuarelas foron nesa época. A decoración atraía moito a súa atención e cando comezou a traballar como profesora, adoitaban encomendarlle ese tipo de traballos.

Casou e entrou a traballar no Colexio Jesús Maestro, no que segue na actualidade. A pesar de ter unha familia á que atender e o seu traballo, nunca deixou os pinceis nin os lapis. Seempre estaban esperando a que chegara o momento de dedicarlles máis tempo. Nunca ocasión, navegando co seu marido, mariño mercante, propuxéronlle subir á cheminea do barco e pintar a contraseña da compañía. Na igrexa da súa parroquia era a encargada de facer decorados, carteis… Incluso decoraba cada ano o cirio pascual.

Cando os seus fillos medraron, comezou a asistir a clases con Ricardo Segura Torrella. Ao seu lado aprendeu a debuxar, a ver e a descubrir brillos e sombras. Pronto se iniciou cos óleos. Naquel época formou parte da delegación de Manos Unidas e celebraron unha exposición e subasta cada ano. Iso facía coincidir a súa afección pola pintura co poñerse en contacto cos pintores que desinteresadamente doaban as súas obras para a ONG. Estábase adentrando cada vez máis no mundo da arte e chegou a dirixir aquelas subastas.

Ao falecer Segura Torrella, buscou outro mestre, pero esta vez para introducirse no mundo da acuarela, e uniuse ás clases de José González Collado, nas que permaneceu varios anos.

Aos seus alumnos intenta transmitirlles a súa paixón polo debuxo e a pintura. Eles, os nenos, coa súa frescura son capaces de comunicar nos seus debuxos máis que os adultos, por iso a través de eles a aprendizase é maior.

Fixo unha viaxe como cooperante a unha misión en África durante un mes. Nas paredes da gardería da misión fixo murais con motivos da selva para os nenos.