David Jorge


Categoría: Historiador e profesor universitario
Data de Nacemento: 20 de abril de 1987
Lugar de Nacemento: Lugo
 Currículum

Nacido en Lugo en 1987, en 2005 trasládase a Madrid, onde se licencia en Ciencias da Información e obtén un Máster en Historia Contemporánea-Historia das Relacións Internacionais pola Universidade Complutense de Madrid, ademáis dun Diplomado en Estudios sobre Seguridade e Defensa polo CESEDEN.

En 2013 incorpórase como docente a Wesleyan University (Middletown, Connecticut, Estados Unidos). Tras finalizar o ano académico, en xuño de 2014 regresa a España para doutorarse en Historia na Universidade Complutense de Madrid, cunha tese doutoral dirixida polo prestixioso historiador, economista e diplomático Ángel Viñas.

En 2015 trasládase á Cidade de México, onde continúa a súa traxectoria académica cun post-doutorado na UNAM baixo a asesoría de Álvaro Matute, un dos principais historiadores mexicanos contemporáneos. Durante dous anos exerce como investigador post-doutoral no Instituto de Investigacións Históricas e como profesor na Facultade de Filosofía e Letras da propia UNAM, e co-dirixe o Seminario de Historia Internacional que celebran conxuntamente a UNAM e 'El Colegio de México'.

En 2017 incorpórase como profesor-investigador ó Instituto de Estudios Internacionais ‘Isidro Fabela’ da Universidade do Mar (Bahías de Huatulco, Oaxaca, México), da cal o Rector é o académico e ex político galego Modesto Seara Vázquez. Ese mesmo ano foi nomeado coordenador académico da Cátedra México-España de 'El Colegio de México', dirixida por Clara E. Lida e Tomás Pérez Vejo, así como membro da Mesa Directiva da Asociación Mexicana de Estudos Internacionais, e ingresou no Sistema Nacional de Investigadores (SNI) de México.

 Obras realizadas

É autor do libro “Inseguridad colectiva: La Sociedad de Naciones, la Guerra de España y el fin de la paz mundial” (Valencia, Tirant lo Blanch, 2016) e coordenador do libro colectivo “Tan lejos, tan cerca: Miradas contemporáneas entre España y América Latina” (Valencia, Tirant lo Blanch, 2017).

Publicou unha trintena de traballos como capítulos de libro, entradas en enciclopedia ou artigos en revistas académicas de países como Estados Unidos, México, Reino Unido, Francia, España e Nueva Zelanda, e columnas de opinión en medios de comunicación de España, México e Estados Unidos. Ten impartido conferencias en diferentes universidades de España, Portugal, México e Estados Unidos.

 Outros datos de interese

É afillado de Carmen Rof Carballo (1915-2009), irmá de Juan Rof Carballo e filla de Juan Rof Codina, con quen se criou en Lugo.

En 2015 foi designado membro da World Association for International Studies (Stanford University).