César González-Pérez


Lugar de Nacemento: A Coruña
Correo electrónico: 
Formulario de contacto
 Currículum

Licenciado en Bioloxía, especialidade en Bioloxía Fundamental, pola Universidade de Santiago de Compostela (USC, 1990). Máster en Electrónica Aplicada pola Escola de Organización Industrial de Madrid (1992).

Doutor en Xeografía e Historia pola USC no ano 2000 coa tese “Sistemas de Información para a Xestión de Recursos Culturais: Teoría, Metodoloxía e Tecnoloxías”.

 Obras realizadas

No ano 1999 fundou 'Neco Tecnologías de la Información S.L.', unha das primeiras empresas spin-off da USC. Inicialmente, esta empresa centrouse na comercialización de produtos software relacionados cos recursos culturais, pero non tivo éxito. Hoxe en día, Neco é líder no desenvolvemento de sistemas software complexos baseados en web e na nube. 

Entre 2002 e 2005 foi investigador posdoctoral na University of Technology Sydney, onde desenvolveu a teoría do metamodelado basado en powertypes. Entre 2005 e 2007 foi director de proxectos de I+D no European Software Institute. Dende 2008 é científico titular do CSIC e membro do Instituto de Ciencias do Patrimonio (Incipit).

A súa principal liña de investigación estudia a semántica do patrimonio cultural; é dicir, cómo se constrúe, transmite e modifica o significado que outorgamos ás cousas que compoñen o patrimonio. Para atacar este problema, utilizase un enfoque baseado fundamentalmente no modelado conceptual, o metamodelado, a enxeñería situacional de métodos e a filosofía da linguaxe.

César foi investigador principal en proxectos como MARIOL “Patrimonio 2.0: Modelos Abstractos de Referencia para Información en Patrimonio Cultural” (2014-2017, financiado por Retos da Sociedade do Plan Estatal español), ARIADNE “Advanced Research Infrastructure for Archaeological Dataset Networking in Europe” (2013-2017, financiado por INFRA-2012-1.1.3. del FP7), MIRFOL “Metodoloxía Integral para a Representación Formal do Patrimonio Cultural” (2009-2012, financiado polo Programa INCITE da Xunta de Galicia), o PIMet “Plataforma para Enxeñería de Métodos” (2006-2007, financiado polo Programa Saiotek do Goberno Basco).

Tamén foi coeditor de varios proxectos de estandarización internacional, tales como ISO/IEC 24744 “Software Engineering - Metamodel for Development Methodologies”, desenvolvido polo JTC1 SC7 de ISO e publicado en 2007 e 2014.

En canto a publicacións, é autor ou coautor de máis de 50 publicacións peer reviewed e outras tantas en foros non revisados.