Currículum

Fixo os seus estudos na Escola Alcántara, saíndo co Grao Superior de Artes e Oficios. Aprendeu co seu pai o oficio artesán de arranxar muíños de auga, compaxinando con traballos de carpintería. Máis tarde traballou na fábrica de Aglomerados ECAR, para pasar a desenrolar de xeito autónomo labores de carpintería e restauración de muíños. Xubilouse por enfermidade aos 60 anos, dedicándose á poesía e a manter vivo o oficio de restaurador de muíños, colaborando e dirixindo a restauración de muíños antigos.