Currículum

Tras cursar estudios secundarios, licenciouse en Dereito pola Universidade de Alcalá de Henares en 1990 e obtivo o doutoramento na mesma universidade en setembro de 1993, presentando a tese La Intervención de la Administración en la Negociación Colectiva, na que obtivo a cualificación de apto “cum laude”. Posteriormente, realizou un curso de posgrao sobre Práctica Xurídica da Facultade de Dereito e o Ilustre Colexio de Avogados de Alcalá de Henares. Desde o punto de vista laboral, traballa como profesor titular de Dereito do Traballo e da Seguridade Social da Universidade de Vigo desde xuño de 1999 e é decano da Facultade de Dereito de Ourense (Universidade de Vigo) desde o 1 de xuño de 2003. Foi, ademais, árbitro do Acordo Galego de Solución Extraxudicial de Conflictos Laborais (AGA), vicedecano da Facultade de Dereito da Universidade de Vigo (26 de maio de 2000 - 31 de maio de 2003), maxistrado suplente do Tribunal Superior de Xustiza de Madrid, investigador principal no Proxecto de investigación da Xunta de Galicia PGIDT99PXI38101A, 1999-2001, profesor titular interino da Universidade de Vigo (febreiro de 1997 - maio de 1999), profesor asociado a tempo completo (Profesor propio) da Facultade de Dereito de Universidade de Vigo (curso 1996-1997), avogado en exercicio, asociado de CUATRECASAS ABOGADOS de abril a agosto de 1995 e colaborador de CUATRECASAS ABOGADOS, de novembro de 1999 a febreiro de 2000. Tamén colaborou co Ministerio de Traballo e Seguridade Social, nos traballos de secretaría técnica da sección de Xurisprudencia sobre Traballo e Seguridade Social do Boletín do Ministerio e foi profesor asociado (Tipo 3), de Dereito do Traballo e da Seguridade Social na Universidade de Alcalá de Henares (1996-1997).