Currículum

Comeza estudios musicais como neno de coro na catedral mindoniense. Con trece anos imparte clases de solfexo na capela catedralicia e posteriormente de armonía. Desa época é a súa primeira composición, un Septenario a la Virgen de los Dolores.En 1864 trasládase á Coruña, onde o cabido da Colexiata o admite como organista. En 1865 é nomeado vicepresidente da Sección de Música da Sociedade Fraternidade Xuvenil. En 1878 abandona o Orfeón Brigantino e funda o Orfeón Coruñés. No certame literario e musical convocado pola Sociedade dos Xogos Florais de Pontevedra presentou co Orfeón Brigantino a pieza titulada Alborada Gallega, coñecida como Alborada de Veiga.En 1882 crea El Nuevo Orfeón, que pouco despois se lchamaría El Eco.Pascual Veiga invitou en 1889 a Xoan Montes a crear conxuntamente un himno de Galicia. Para iso escribiu a Eduardo Pondal, que lle enviou as estrofas ás que el lle poñería música. Así, a composición estaría formada polas nove primeiras estrofas do poema Os Pinos.En 1896 trasládase a Madrid ó ser nomeado profesor do Conservatorio Nacional de Música. Ó ano seguinte dirixe o Orfeón Matritense e o Orfeón do Centro Galego en Madrid.