Obras realizadas

Realiza varias exposicións en distintas Salas de Pontevedra, Vigo, Vilagarcía, Tarragona L’Espluga de Francolí, Conca de Barberá, etc. Despois de máis de catorce anos impartindo clases en distintos centros escolares, abre en 1997 o Centro de Arte Ma-Te dedicado á ensinanza en diversas actividades relacionadas coa arte, exercendo como directora e profesora de Debuxo e Pintura. Ese mesmo ano realiza unha exposición na Sala Teucro de Pontevedra celebrando o ‘Día da Muller’.
En 1998 expón no ‘Fogar do Maior’ da Xunta de Galicia e en Pontevedra queda expresada a súa pintura nun mural. Co novo século compaxina clases de pintura con exposicións en Portugal (Sala de Exposicións Valença do Minho). Realiza unha exposición colectiva con artistas portugueses, invitada pola Universidade laboral de Valença do Minho, conmemorando a súa inauguración e outra da Asociación Artística Cultural de Pontevedra na Casa de Galicia en Barcelona. Participou durante tres anos na mostra ‘Veranee con Arte’ na zona comercial de Pontevedra.
No ano 2003 realiza unha exposición en febreiro no Centro Comercial ‘La Barca’; en maio no Museo Torres de Marín, doando un cadro do Rei (técnica de pastel e ceras) para os fondos del Museo; en xuño na área Panorámica de Tui; en xullo no Complexo Hostaleiro Braseirâo do Minho (Portugal); en outubro no Casino Mercantil de Pontevedra e en decembro participa na exposición colectiva do ‘Día do Artista’ no Liceo Casino de Pontevedra e queda finalista no ‘Certame de Pintura dos Maiores de Galicia’ en Santiago.
En marzo de 2004 realiza a exposición colectiva itinerante ‘Camiños de Portugal a Santiago’ cunha duración de once meses nas seguintes salas: Arcoz de Valdevez, Vilanova de Cerveira, Melgaço, Ponte de Lima e Forum de Maia (Portugal), Tui, Redondela, Pontevedra, Caldas de Reis, Padrón e Santiago de Compostela (España); no mes de decembro participa na exposición colectiva na Zona Monumental de Pontevedra e queda finalista no ‘II Certame de Pintura dos Maiores de Galicia’.