Obras realizadas

A súa actividade como investigador desenvolveuse fundamentalmente no campo de Procesos de protección fronte á corrosión de materiais metálicos, modificación da superficie e obtención de recubrimentos por tratamentos en metal fundido, con láser e con enerxía solar concentrada e obtención de recubrimentos por deposición de diamantes a presión atmosférica a partir de chama de acetileno, nos que dirixiu varias teses doutorais e publicado un cento de traballos en revistas científicas internacionais e colaborado na edición de libros. Participou, dictou cursos e deu conferencias na súa especialidade en diversas universidades españolas, na Autónoma de México, D.F. e na da Habana e é organizador e Director do Curso de Ciencia e Enxeñería da Modificación da Superficie dos Materiais Metálicos de periodicidade bianual. Recibiu os premios de investigación en arqueometalurxia da Deputación de Pontevedra, polo seu estudio das hachas de Samieira e o Silver Pin da EGGA pola súa contribución ó progreso da galvanización por inmersión en quente.