Currículum

Funcionario de carreira, pertencente ó Grupo A, Subgrupo A1, é licenciado en Dereito pola Universidade de Santiago de Compostela e ten un master en Recursos Humanos por ICADE. Ingresou na Administración en 1975 e o 26 de decembro de 2002 recoñecéuselle o grao persoal correspondente ó nivel 30 para o ámbito da Xunta de Galicia. O 3 de marzo de 2005 díctase resolución polo Ministerio de Traballo e Asuntos Sociais mediante a que se lle convalida o grao persoal 28 no ámbito da Administración Xeral do Estado. O 20 de marzo de 2009, toma posesión, en ocupación provisional, no posto de Subdelegado do Goberno en Lugo.
Desempeñou diversas e variadas funcións na Administración Pública, entre as que fai mención específica das seguintes: Director Provincial en Lugo do Instituto de Mediación, Arbitraxe e Conciliación, organismo autónomo dependente do Ministerio de Traballo, Xefe de Sección na Consellería de Turismo, Xuventude e Deportes de Lugo (Xunta de Galicia), Secretario Provincial da Consellería de Traballo en Lugo, Vicexerente da Universidade de Santiago para o Campus de Lugo (Universidade de Santiago de Compostela), función que comporta a xerencia do Campus de Lugo, no plano administrativo, económico, xestión do persoal e académico, Director Xeral de Relacións Laborais na Consellería de Xustiza, Interior e Relacións Laborais (Xunta de Galicia), Xerente da Universidade de Santiago de Compostela, Director Xeral de Relacións Laborais na Consellería de Asuntos Sociais, Emprego e Relacións Laborais (Xunta de Galicia), Xefe de Servizo no posto N26 (RSE-A-A) – 04879127 - Ministerio de Traballo e Asuntos Sociais – Instituto Nacional da Seguridade Social – Dirección Provincial de Lugo, Secretario Xeral da Consellería de Traballo (Xunta de Galicia), desde o 11 de agosto de 2005, Subdelegado do Goberno en Lugo, en nomeamento provisional, cometido que desempeña na actualidade.