Obras realizadas

Nas súas obras, ademais desa vena popular, hai unha grande erudición, posta igualmente ó servicio de Galicia en réplicas contra erros históricos en libros da época. Cernadas publicaba cada ano 150 "petitorios" cos sucesos máis destacados, para recadar cartos para os seus fieis, polo que o seu biógrafo, o xornalista galego José Manuel Rivas Troitiño, considérao non só precursor do Galeguismo senón o primeiro xornalista galego do século XVIII. Aínda que a maior parte da súa producción está en castelán, Cernadas tamén escribiu en galego e xustificou o seu uso literario nunhas célebres décimas á marquesa de Camarasa, que empezan: Co desexo de acordarvos / que en Galicia o seu funduxe / ten a vosa nobre fruxe / vou en Galego a falarvos. De esto non hay que estrañarvos. Antes ben, facendo gala / de esta Nación, estimala. A gran débeda dos galegos con Cernadas non é tanto pola súa obra como polo talante desa obra, a defensa apaixonada de Galicia, que non debe ser esquecida nunca, segundo o seu biógrafo. Castelao inclúeo entre os "grandes fillos" de Galicia e Otero Pedrayo chamábao "o noso bardo nacional". Á morte de Feijoó, Cernadas escribe un Memento na súa memoria, que dedica "á súa moi Nobre, Moi Respetable e Moi Amada Nai a Nación Galega".